Maioh urang rindu makai kacangma.. Selalu ya, kacangma tu dpanduk maia urang bepantang beranak, tauk ka maia datai kutor, sigek digalak bala indu makai kacangma tok.. Tapi tok nda semesti ya laki enda tauk makai.. Baka laki aku mpu, ya rindu makai kacangma nti aku tauka indai aku nyumai..
Keterubah ya, cara aku masak kacangma tok cukup cukup ringkas.. Enggai gak aku bula, bala sukatan utai dkena aku tok bgantung nggau pemaioh nitih peneka aku maia ka nyumai nyak.. Haha.. Adai limitation ko ribai..
Bahan2 ti dikena aku nyumai kacangma tu:-
Manuk
Liak
Daun kacangma
Langkau
Minyak bijan
Mula2 aku aruk rangkai daun kacangma tu.. Api anang kelalu balat, angus daun ya lagek.. Udah ya nu layu engkeriut mimit, tutok smpai alus..
Udahnyak aku, tutok liak.. Tembu tutok, aku picit liak td kena ngulih ka ai liak tadi alu engkah ba mangkuk mit bukai.. Rampang liak tadi, aruk gak baka kitai ngutai ka daun kacang ma tadi.. Udah rangkai mimit, engkah ba bekas bukai..
Manuk ti udah dibelah mit tadi, goreng tanpa minyak ngena bekas kuali kitai ngaruk ka daun kacangma nggau liak tadi.. Sumai sampai pansut ai manuk nyak empu.. Bila ai manuk nyak majak rangkai, gulai enggau ai liak ka diperah tadi..
Enti ai liak nyak pun dah rangkai, baru nabak ka ai langkau secukup rasa.. Selalu ya, baka mentua aku nyumai, ya sigek rindu enda becampur ka ai biasa. Tang aku sigek enda rindu ya kelalu bisa.. Nyak alai ku bc gulai ai biasa..
Bila utai panduk tadi udah gesak, nyak alai kitai alu nabak ka rampang liak enggau daun kacangma tadi.. Antik sampai ya gesak enggau mansau, pengujung ya, baru nabak ka garam enggau bicin.. Berik mimit minyak bijan kena ngasuh ya wangi..
Akairai.. Udah tembu, sedap dimakai enggau asik panas2 neh.. Selamat mencuba..
No comments:
Post a Comment